«болалар омбудсмани» тегли мақолалар
Ўғлини калтаклаб, ўзи билан бирга кетишга мажбурлаган ота 5 суткага қамалди
Тошкентда тоғаси билан бирга юрган ўғлини олиб кетишга уриниб, уни калтаклаган эркак 5 суткага қамалди. Аниқланишича, йигит ота-онасининг мунтазам жанжаллари сабабли улар билан яшашни истамаган. Февраль ойида боланинг онасига ҳимоя ордери ҳам берилгани маълум бўлди.
Самарқандда 15 ёшли қиз жисмоний тазйиқ остида қолгани аниқланди
Тармоқларда Самарқанд вилояти Пайариқ туманида 7-синфда ўқийдиган қиз мактаб директорининг уйида тазйиқ остида қолгани ҳақида хабарлар тарқалди. Болалар омбудсмани ҳолат назоратга олинганини, туман ИИБ текширув ҳаракатлари олиб бораётганини маълум қилди.
Жиззахда ўқитувчи дарс тайёрламай келган 1-синф ўқувчиларига стул кўтартирди
Жиззах вилояти Зарбдор туманидаги 5-мактабда инглиз тили ўқитувчиси дарс тайёрламай келган 13 нафар ўқувчига стул кўтартириб, видеони ота-оналар гуруҳига юборди. Болалар омбудсмани бу тарздаги жазо тақиқланганини билдирди. ИИБ ҳолат бўйича терговга қадар текширув олиб бормоқда.
Тошкентда ўқитувчи ўқувчилар қўлига игна ва «саморез» санчиб жазолаб келгани аниқланди
Сергели туманидаги 277-мактабнинг 1-синф раҳбари хато қилган ўқувчиларини жазолаш учун қўлларига игна ва «саморез» санчгани айтилмоқда. Ҳолат 2023−2024-ўқув йили бошидан буён такрорланиб келган. Болалар омбудсмани ҳолат назоратга олингани ва ўқитувчи ишдан олинганини билдирди.
Ота болалар омбудсманининг аралашувидан сўнг қизига хорижга чиқишга рухсат берди
Эркак спортчи қизига Осиё ўйинларида қатнашиш учун чет элга чиқишига рухсат бермай, хорижга чиқиш паспортини олишига тўсқинлик қилгач, бу ишга болалар омбудсмани ва бошқа идоралар аралашди. Натижада ота қизига бу жараён учун рухсат берди.
Бўстонлиқда синфдошини калтаклаган ва камситган қизларнинг ота-оналари жавобгарликка тортилди
Тошкент вилоятида синфдошига нисбатан буллинг уюштирган, уни калтаклаб, ҳақоратлаган қизларнинг ота-оналари жавобгарликка тортилди. Қизлар билан махсус психологик коррекцион иш олиб бориш учун психолог бириктирилди.
Бухорода соғлом бўлса-да, руҳий касалликлар диспансерида қолаётган 15 ёшли қиз уйига қайтарилди
Болалар омбудсманига Бухоро вилояти Руҳий-асаб касалликлари диспансери маъмурияти мурожаат йўллаб, муассасада фаол даволанишга муҳтож бўлмаган қиз борлиги, аммо онаси уни олиб кетмаётганини билдирди. Оиланинг ижтимоий вазияти ўрганилиб, онаси билан учрашилди ва қиз яшаш манзилига қайтарилди.
Қашқадарёда 16 ёшли қиз отаси томонидан турли зўравонликларга учради
Қарши шаҳрида яшовчи 16 ёшли қиз болалар омбудсманига онасининг вафотидан кейин ўзи ва синглисига отасининг қилган зўравонликлари ҳақида айтди. Ўсмирлар бир неча бор уйдан ҳам қочиб кетган. Ҳозирда прокуратура томонидан тергов олиб борилмоқда, вазият болалар омбудсмани назоратида.
Россияда ота-она қарамоғисиз қолган икки ёшли ўзбекистонлик қизчани ватанга қайтариш чоралари кўрилмоқда
Тошкент шаҳрида яшовчи аёл икки ёшли набирасини Россиядан олиб келишда ёрдам сўраб, болалар омбудсмани Сурайё Раҳмоновага мурожаат қилди. Онаси уни энага билан қолдириб, олиб кетгани келмаганидан кейин қизалоқ васийлик органига топширилган.
Самарқандда болани унинг васийси кишанлаб қўйган — болалар омбудсмани
Самарқандда кишанланган бола ҳарбий спорт мактабида ўқиган. «Хулқи оғирлиги» учун уни вояга етмаганлар марказига юбормоқчи бўлишган. «Болага нисбатан бундай ғайриинсоний чора кўрилишига йўл қўйиб бўлмайди», — деди болалар омбудсмани. Ижтимоий ҳимоя миллий агентлиги ҳам ҳолатни назоратга олди.
Қашқадарёда 16 ёшли қиз фоҳишаликка мажбурлангани айтилмоқда
Самарқанд вилоятида туғилган 16 ёшли қиз Қашқадарёдаги хонадонларнинг бирида фоҳишаликка мажбурланганини айтиб, болалар омбудсманига мурожаат қилди. Ҳолат бўйича жиноят иши қўзғатилди.
Болалар омбудсманига қўшимча мажбурият ва ваколатлар берилди
Болалар омбудсманига раҳбарлар ва бошқа мансабдор шахслар томонидан дарҳол қабул қилиниш ҳуқуқи берилди. Шунингдек, болаларга тааллуқли масалаларга доир қонунчилик ҳужжатлари лойиҳалари Бола ҳуқуқлари бўйича вакил билан келишилиши мажбурий бўлди.
15 ёшли бола онаси тазйиқ ўтказиб келаётгани юзасидан болалар омбудсманига шикоят қилди, унинг васийлиги бувисига ўтказилди
Бухорода 15 ёшли бола онаси унга доимий тазйиқ ўтказиб келиши, отаси эса алимент тўламагани сабаб озодликдан маҳрум қилинганини айтиб, болалар омбудсманидан ўзи ва синглисини онаси қарамоғига бермаслик бўйича амалий ёрдам сўради. Ҳолат ўрганилгач, болаларга бувиси васий этиб белгиланди.
Навоий шаҳридаги мактабнинг спорт залида ўқувчилар сочи оммавий калталанди. Болалар омбудсмани «номақбул» ҳаракатни қоралади
Навоий шаҳридаги 2-мактабда ўғил болалар спорт залига олиб кирилиб, сочлари олдирилди, бу директорнинг ташаббуси бўлиши мумкин. ММТБ бошлиғи ва болалар омбудсмани бундай муносабатга йўл қўйиб бўлмаслигини таъкидлади. Миллий гвардия эса уларнинг ходимлари жараённи тўхтатишга уринганини билдирди.
Тошкентда ёш қизчага жинсий зўравонлик қилган эркак 16 йилга қамалди
Тошкентда 2017 йилда туғилган қизга нисбатан жинсий эҳтиёжини зўрлик ишлатиб қондирган эркак 16 йилга қамалди. Суд ишида қатнашган болалар омбудсмани ота-оналарга мурожаат қилиб, кичик ёшдаги болаларга бегоналар билан тўқнаш келганда ўзини қандай тутиш ва бошқа кўникмаларни ўргатишга чақирди.
Қорақалпоғистондаги интернатда тарбиячи 10 ёшли қизнинг юзига тарсаки туширди
Тўрткўл туманидаги 5-сонли мактаб-интернатда тарбиячи 10 ёшли қизнинг юзига тарсаки туширгани акс этган видео тарқалди. Ҳолат ўтган йилнинг октябрь ойида содир бўлган. Болалар омбудсмани тарбиячи қонун доирасида жавобгарликка тортилиши шартлигини билдирди. Терговга қадар суриштирув ишлари кетмоқда.
Сенат Болалар омбудсманига қўшимча мажбурият ва ваколатлар бериш кўзда тутилган қонунни маъқуллади
Сенат маъқуллаган қонунга кўра, Болалар омбудсманига раҳбарлар ва бошқа мансабдор шахслар томонидан дарҳол қабул қилиниш ҳуқуқи берилмоқда. Шунингдек, болаларга тааллуқли масалаларга доир қонунчилик ҳужжатлари лойиҳалари Бола ҳуқуқлари бўйича вакил билан келишилиши мажбурий бўлади.
«Биз „Док-1 Макс“ иши бўйича ҳамкорликка тайёрмиз». Болалар омбудсмани — жабрланган ва вафот этган болаларнинг ота-оналарига компенсация тўлаш ҳақида
Болалар омбудсмани Сурайё Раҳмонова «Док-1 Макс» сиропи ишида ота-оналар билан ҳамкорлик қилишга тайёрлигини билдирди. Ундан фойдаланиш оқибатида Ўзбекистонда камида 69 бола ҳалок бўлганди.
«Жинсий тарбиядан олабўжи ясамаслик керак» — болалар омбудсмани
Ўзбекистонда жинсий тарбия «боланинг тарбияси ва ахлоқий фазилатларига қандайдир тарзда таҳдид солади», деган фикр кенг тарқалган, деди болалар омбудсмани Сурайё Раҳмонова Alter Ego лойиҳасига берган интервьюсида. «Ундан олабўжи ясамаслик керак. Маърифат таҳдид солиши мумкин эмас», — деди у.
Тошкентда ППХ ходимлари 13 ёшли болани машинага мажбурлаб ўтирғизди (видео)
Чилонзор туманида 13 ёшли боланинг ёнидан пиротехника воситаси чиққач, ППХ ходимлари уни машинага мажбурлаб ўтирғизди. Бола бошидан лат еган ва қаттиқ қўрққан. Икки ходимга ҳайфсан берилди. Болалар омбудсмани сўровига кўра ҳолатни прокуратура ўрганмоқда.
Энг кўп ўқилган хабарлар | Сўнгги янгиликлар
- Тошкентда кўчадаги қизга безорилик қилиб, юзига урган шахс 2,5 йилга қамалди
- Тошкентда устига дарахт қулаган 1 ёшли қиз ҳалок бўлди
- Дам олиш кунлари Тошкентда қаерларга бориш мумкин? (4−5 май)
- Нега Ўзбекистонда «квартплата»ларнинг минимал миқдори жорий этилмоқда?
- U-23: Ўзбекистон терма жамоаси Осиё кубогида 2-ўринни эгаллади (фото, видео)
Қўшимча имкониятларга эга булиш учун сайтда рўйхатдан ўтинг